Мэргэжлийн хакеруудаас авхуулаад жирийн хүмүүс, уйдсан өсвөр настнууд хүртэл сониуч зандаа хөтлөгдөн пентагоны компьютерийн сүлжээнд нэвтрэхийг оролддог байна. Иймэрхүүү хүмүүсийн зорилго ч янз бүр байж зарим нь сүлжээг эвдэн хорлохыг хүсдэг бол нөгөө нь турших зорилгоор нэвтрэхийг оролддог аж.
Пентагоны стратегийн командлалын албаны тэргүүн генерал Kevin Chilton ярьсанаар "Энэ бол үнэхээр анхаарвал зохих ёстой асуудал бөгөөд кибер дайралтаас сүлжээгээ хамгаалахын тулд бат бэх сайн хамгаалалт гаргахаас аргагүй'' хэмээн хэлжээ.
Энэ зорилгоор батлан хамгаалахын төсвөөс 100 сая доллар гарган ажилтан албан хаагчидаа сургах орчин үеийн өндөр хамгаалал бүхий компьютер программ хамгамж авах зэрэгт зарцуулжээ. Түүнчлэн Пентагоны иргэний мэргэжилтэнүүдэд хандаж хакеруудын компьютерийн сүлжээнд оруулж байгаа элдэв төрлийн вирусыг устгах болон урьдчилан сэргийлэх дээр хамтарч ажиллаж байгаа юм.
Тэд хэлэхдээ гадны халдлагын талаарх мэдээлэл өгөхгүй гэсэн бөгөөд тэр тусмаа хятадын хакеруудын талаар мэдээлэл өгөхөөс татгалзсан байна.
Өнгөрсөн онд л гэхэд Пентагон вирусын халдлагад өртсөн 1500 компьютераа сүлжээнээс гарган солиход хүрчээ.